Cyfrifiaduron a'r Rhyngrwyd | Y Celfyddydau Digidol | Chwaraeon a Hamdden

Gwybodaeth » Chwaraeon a Hamdden » Y Celfyddydau Digidol » Cyfrifiaduron a'r Rhyngrwyd

Mae cyfrifiaduron ar gael ar sawl ffurf a gallwch eu defnyddio at amrywiaeth o ddibenion
Prosesu geiriau, taenlenni, cronfeydd data, gemau, chwarae a chreu cerddoriaeth a defnyddio’r rhyngrwyd yw’r dibenion mwyaf cyffredin
Mae’n bosib y byddwch chi’n ei chael yn hwylus defnyddio cyfrifiadur i greu a storio gwaith ysgol neu brosiect rydych chi’n gweithio arno
Bydd llawer o bobl yn defnyddio rhyw fath o gyfrifiadur ar gyfer eu swyddi
Bydd y rhan fwyaf o bobl yn dysgu sut i ddefnyddio cyfrifiadur yn yr ysgol, ond mae cyrsiau ar gael ichi eu dilyn os ydych chi am ddysgu mwy – gwelwch y cysylltau isod i gael rhagor o wybodaeth

Y rhyngrwyd

Mae defnyddio’r rhyngrwyd yn un o ddibenion mwyaf cyffredin cyfrifiaduron personol
Bydd pobl yn defnyddio’r rhyngrwyd at amrywiaeth o ddibenion, gan gynnwys:

Mae mynediad i’r rhyngrwyd am ddim yn y rhan fwyaf o lyfrgelloedd ar hyd a lled Cymru.

Ystafelloedd Sgwrsio

Mae ystafelloedd sgwrsio yn ffordd wych o rannu diddordebau a barn â phobl, ond cofiwch fod modd i unrhyw un sydd wedi mewngofnodi ac sy’n edrych ar y dudalen we weld yr hyn rydych chi’n ei deipio i mewn i ystafell sgwrsio neu fwrdd negeseuon.
Y ffordd orau o ddefnyddio ystafell sgwrsio yw defnyddio un sy’n cael ei goruchwylio. Mae hyn yn golygu bod goruchwyliwr yn monitro pynciau’r sgyrsiau ac yn rhybuddio pobl sy’n dweud rhywbeth amhriodol neu ddifrïol
Gall goruchwylwyr hefyd wahardd pobl o rai ystafelloedd sgwrsio

Risgiau Ystafell Sgwrsio

Gall sgwrsio â phobl dros y rhyngrwyd fod yn hwyl, ond mae’n rhaid ichi sylweddoli na fyddwch chi weithiau yn adnabod y bobl rydych yn cyfathrebu â nhw
Gall rhai pobl ddweud celwydd ac esgus eu bod yn rhywun nad ydyn nhw mewn gwirionedd, felly mae’n bwysig cadw’n ddiogel
Mae cadw’n ddiogel pan fyddwch chi ar–lein yn rhwydd

peidiwch â rhannu unrhyw fanylion personol nac ariannol, gan gynnwys eich oed, eich rhif ffôn, eich cyfrif banc, eich cyfeiriad cartref
peidiwch â dweud i ba ysgol neu brifysgol rydych chi’n mynd
peidiwch ag anfon unrhyw luniau ohonoch chi’ch hun dros y rhyngrwyd
peidiwch â chredu popeth y bydd pobl yn ei ddweud wrthych chi

Os bydd rhywun yn gofyn am gael eich cyfarfod, mae hi lawer yn fwy diogel eu cyfarfod yn yr ystafell sgwrsio
Os ydych chi’n penderfynu eu cyfarfod, gwnewch yn siŵr eich bod chi’n penderfynu ar rywle cyhoeddus, ac ewch â ffrind gyda chi, beth bynnag fo’ch oed
Os ydych chi dan 16 oed, byddai’n well mynd yng nghwmni oedolyn er eich diogelwch chi

Siopa dros y rhyngrwyd

Mae prynu nwyddau dros y rhyngrwyd yn ffordd gyflym o siopa – gallwch chi chwilio am yr eitem rydych chi am ei chael a thalu amdani ar–lein
Mae risg ynghlwm â thalu am nwyddau â cherdyn debyd neu gerdyn credyd, gan y gallai defnyddwyr eraill y we gael mynediad i’r dudalen a chasglu manylion eich cerdyn
Pan fyddwch chi’n siopa ar–lein, gwnewch yn siŵr eich bod chi’n defnyddio gwefannau diogel yn unig. Chwiliwch am logo clo clap ar waelod eich sgrïn
Mae’r logo clo clap yn golygu na all defnyddwyr eraill y we weld y wybodaeth rydych chi’n ei hanfon dros y rhyngrwyd
Os byddwch chi’n prynu nwyddau ar–lein gan ddefnyddio’ch cerdyn credyd neu ddebyd, mae gennych chi’r un hawliau â phe byddech wedi’u prynu mewn siop –gwelwch wefan y Swyddfa Masnachu Teg i gael rhagor o wybodaeth