EisteddFlog: Dydd 3 Blog 2
English version
Yr
wythnos hon, mae CLIC yn Eisteddfod Genedlaethol yr Urdd yn Abertawe. Bob dydd, bydd un o'n
hysgrifenwyr yn rhannu ei brofiad o'r ŵyl. Dyma fydd Eisteddflogiau'r
Urdd a dyma Han o Wicid.tv yn blogio ar y trydydd diwrnod…
Mae Wicid.tv wedi bod yn Eisteddfod yr Urdd heddiw gyda CLIC, y cylchgrawn ar-lein i bobl ifanc yng Nghymru. Ac am ddiwrnod! O gychwyn am 8 y bore, a theithio i Abertawe, ac yn cyrraedd o'r diwedd am 10 ar gyfer y gynhadledd i'r wasg, mae wedi bod yn ddiwrnod prysur. Ond yn un sydd wedi bod yn bleserus iawn! Roedd hi'n wych gweld cymaint o bobl o gwmpas y maes, yn dathlu ac yn cymryd rhan mewn digwyddiad mor greadigol a thalentog. O gantorion i ddawnswyr, chwarae piano a action yn y prif bafiliwn, roedd cymaint i weld a gwneud.
Roedd stondinau ar gyfer y siopwyr sydd yn hoffi siopa. O'r ffrog berffaith i bobl sydd wrth eu boddau yn darllen, roedd rhywbeth i bawb o bob oed. Roedd hefyd cyfle i rieni gymryd rhan mewn dysgu'r iaith Gymraeg. Mae Lisa Jones, awdur 'Welsh for Parents', wedi dylunio llyfr yn benodol i helpu rhieni sydd eisiau dysgu Cymraeg efo'i blant.
Ond i mi roedd yn fater o gyfarfod, ar hap, fy hen (wel ddim mor hen) athrawon o'r ysgol nad oeddwn wedi gweld ers gadael. Roedd hi'n grêt i weld nhw a siarad am yr ysgol a'r dyfodol. Roedd yn anhygoel hefyd gweld pobl enwog yn crwydro'r maes yn mwynhau'r ŵyl. Cefais ysgwyd llaw Paul John, hyfforddwr clwb rygbi Pontypridd a gallwn i ddim credu ei fod yno. Roedd ffrind Wicid a CLIC, Comisiynydd Plant Cymru, Keith Towler yno hefyd, yn cerdded o gwmpas yn amsugno'r awyrgylch. Roedd Rapsgaliwn o gwmpas y maes hefyd ac efo amser i sefyll am lun sydyn. Ond y gorau oll oedd cyfarfod dyn yr wythnos, Mistar Urdd, oedd yn gwneud y mwyaf o'r diwrnod yn union fel pawb arall.
I weld mwy o luniau o'r Eisteddfod edrycha ar ein halbwm Flickr ar ddiwedd pob dydd.
EISTEDDFLOGIAU
Dydd
1 Blog 1
