Ysmygu ac E-Sigaréts

Updated:
Dim Sylwadau

Ysmygu

Mae ysmygu yn cyfeirio at y weithred o anadlu mwg tybaco a’i anadlu allan, fel arfer gyda sigarét. Mae pobl yn ysmygu am y nicotin a geir mewn tybaco, fodd bynnag, mae llawer o gemegau peryglus mewn sigaréts sy’n cael effeithiau gwael ar eich iechyd.

Ysmygu yw’r achos am mwyafrif o’r  marwolaethau y gellir eu hatal, a bydd 1 o bob 2 ysmygwr yn marw o glefyd sy’n gysylltiedig ag ysmygu.

Dyma rhai o’r effeithiau negyddol y mae ysmygu yn eu cael ar eich iechyd:

  • Mae’r mwg yn staenio’ch bysedd, eich dannedd a’ch deintgig, ac yn achosi anadl ddrwg.
  • Mae eich synnwyr o flas ac arogl yn cael ei leihau.
  • Mae’n llawer anoddach anadlu wrth i’r tybaco niweidio’ch ysgyfaint a’ch llwybrau anadlu.
  • Mae cemegau a geir mewn tybaco yn cynyddu’r risg o ddatblygu canser yn gyflym.
  • Daw llestri gwaed yn wannach, gan achosi cyfradd curiad y galon a phwysedd gwaed uwch, sy’n cynyddu’r risg o glefyd y galon a strôc.
  • Mae’n lleihau ffrwythlondeb i ddynion a menywod, gan ei gwneud yn anoddach cael plant.

Nid yw ysmygu yn effeithio arnoch chi yn unig – mae mwg ail-law yr un mor beryglus i’r rhai o’ch cwmpas.

E-Sigaréts

Cynlluniwyd sigaréts electronig i gymryd lle sigaréts a helpu pobl sy’n gaeth i ysmygu. Nid oes unrhyw dybaco, dim papur a hidlydd, ac nid yw’n llosgi. Mae’r dyfeisiau yn cynnwys hylif sy’n gallu cynnwys nicotin ac sy’n dod mewn amrywiaeth o flasau.

Gall e-sigaréts fod yn ddewis iachach i ysmygu, ond nid yw hynny’n golygu ei fod yn gwbl ddi-risg. Mae astudiaethau wedi canfod sylweddau niweidiol sy’n gallu achosi llid a chanser, ond ar lefelau llawer is na sigaréts. Nid yw The British Heart Foundation yn argymell i bobl nad ydynt yn ysmygu ddechrau defnyddio e-sigaréts gan y gall ddod yn porth a all arwain at gymryd sylweddau mwy peryglus.

Nid yw hyn rhy hwyr i roi gorau i ysmygu, a phan wnewch chi, mae’r risgiau i’ch iechyd yn gostwng yn sylweddol. Rydych chi’n pesychu llai ac yn teimlo llai o anadl, cyfradd curiad eich calon yn arafu, a’ch risg o glefydau sy’n gysylltiedig ag ysmygu yn llawer is. Os ydych chi eisiau gwybod mwy am y fanteision o stopio ysmygu, edrychwch ar restr Help Me Quit YMA.

Mae hefyd yn arbed llawer o arian i chi. Ar gyfartaledd, mae’r rhan fwyaf o bobl sy’n rhoi’r gorau i ysmygu yn arbed tua £250 y mis. Dyna bron £3,000 y flwyddyn.

Os ydych chi eisiau stopio ysmygu gallwch chi fynd ar eich pen eich hun, ond bydd gennych siawns llawer uwch o lwyddo os ewch chi at eich meddyg neu edrychwch ar y sefydliadau hyn:

Ash Wales Ein cenhadaeth yw sicrhau Cymru ddi-fwg – wedi’i diffinio fel dim ond 5% sy’n dal i ysmygu – drwy ymdrechu i gael polisi rheoli tybaco cryf ar ddraws Cymru.

Help Me Quit Dechreuwch eich taith i roi gorau iddi, gyda Help Me Quit a gymorth o’r NHS am ddim. Cysylltwch â ni heddiw am fory di-fwg.

Smokefree – Ymunwch â’r miliynau o bobl sydd wedi defnyddio cymorth di-fwg i’w helpu i roi’r gorau i ysmygu. Mae gennym lawer o gefnogaeth i’ch helpu i roi’r gorau iddi, felly dewiswch beth sy’n iawn i chi.

Rhywbeth i ddweud?